1. Periodic Patta dil ka duh a, engtia dil tur nge?

P.Patta dil tur chuan ram ruak emaw mahni huan enkawl lai City/Town Area pawn ami dil theih a ni a. Google atangin eram.mizoram.gov.in-ah Form-2 hmangin online in dilna thehluh tur ani a, mahnia dilna thehlut thiamlo tan mahni awmna hnai vai Common Service Centre ah kal mai tur ani.

2. Periodic Patta dil tur hian eng documents te nge ngai?

1. A diltu Voter ID
2. A diltu Adhaar
3. Tribal Certificate
4. Zoramchhiah pekna receipt
5. Section 2, sub-Section 16 of the Mizoram Land Revenue Rules, 2013 in a phut angin Non-Tribal (Gorkha) tan Mizoram khua leh tui ngei an ni tih finfiahna documents i.e. Gorkha census list an thil tel tur a ni.

3. Periodic Patta dilna thehluh fel hnuah engtia hmalak tur nge?

P.Patta dilna thehluh fel anih hnuah a tehtu tur Survey Firm kutah pek thin a ni a. Hemi chungchang hi a diltu hnenah whatsapp hmangin hriattir a niin survey fee 50% pek zat tur pawh hriattir nghal thin a ni, an file kal zelna pawh whatsapp hmangin hriattir thin ani a, heihi a diltute tan office dawr buai ngai lova an file/an dilna awmna hriattheih nan a tih ani. A diltu ten whatsapp hi lo ngaihchan reng tur a ni.

4. Periodic Patta dilna atana survey fee pek tura bithliah pek fel anih hnuah engtia hmalak zel tur nge?

Fee pek turte pek zawh anih chuan a tehtu tura ruat Survey Firm ten teh tura ni ruatah an teh fel anga. Documents pawimawh leh NOC te a kim chuan report an thehlut ang. Report chu Office lama enfel (check) anih hnuah buai a awm loh chuan a ram awmna Land Committee/Team of Officers ah an recommend turin thawn tur a ni.

5. Land Committee recommend-na te tihfel ani tawh a, engtin nge a kal zel dawn?

Land Committee-in P.Patta dilna an recommend hnuah Revenue Office-ah report an thehlut ang a. Tichuan, Sorkar phalna la turin Directorate kaltlangin thawn tur a ni.

6. Sorkar phalna (approval) lak anih hnuah engtia hmalak zel tur nge?

Periodic Patta pechhuak turin Sorkar phalna a awm hnuah Directorate kaltlangin a mawhphurtu Asst. Commissioner, Revenue Department-ah thawn a ni anga. Sorkar-in a bithliah fee pek ngaite pek fel anih hnuah Periodic Patta pekchhuah a ni ang.

7. Periodic Patta lachhuak tur hian pawisa chawi ngai zat a hriat theih em.

P.Patta lakchhuahna tur a fee pek ngaite hi a ram zau dan leh a hlut dan a zirin a danglam avangin hriat lawk theih a ni lo.

8. Periodic Patta te hi a thih hnuah engtia renew tur nge?

P.Patta te hi Sorkar-in a python hun chhung a ral a, a thih tawh chuan Google atangin eram.mizoram.gov.in-ah Form 2c hmangin online a submit tur a ni a. Mahni a thehlut thiamlo tan Common Service Centre-ah kal mai tur a ni.

9. Periodic Patta renew dilna atan eng document te nge ngai?

1. A neitu Voter ID
2. A neitu Adhaar
3. Chhiah pekna hnuhnung ber
4. A ram awmna Land Committee recommend-na. (Land Committee Recommend-na hi Form siamsa a mawhphurtu Revenue Office atangin lak tur ani).

10. P.Patta renew tur hian chawi ngai a awm em?

Tuna Sorkar-in O/M hmanga rate a bithliah (Vide No.H.11018/4/2025-ESTT-(LR&S). Dt.25.3.2026 ) angin kum nga(5years) atan Rs.500 chawi tur a ni a. P.Patta hi a thihna a rei tawh anih chuan penalty chawi tur chhut chhuah chawp tur a ni.

11. Ka Periodic Patta area hi midang tan thenchhuah ka duh a, engtin nge hma ka lak ang?

Google atangin online in eram.mizoram.gov.in-ah dilna thehluh tur ani a, mahnia dilna thehlut thiamlo tan veng hrang hrang-a Common Service Centre mahni remchanna hmun pan mai tur ani.

12. Periodic Patta thendarh turin eng documents te nge ngai?

1. Periodic Patta thendard tur.
2. A neitu leh a thendarh nei chhawngtu tur Voter ID leh Adhaar.
3. Chhiah pekna update
4. A thendarh neitu tur non-tribal (Gorkha) anih chuan section 2, subsection 16 of the Mizoram Land Revenue ACT, 2013 in a phut angin Mizoram mi diktak an ni tih finfiahna turin an hming lanna Nepali Census List an thil tel tur ani.

Documents te hi original emaw a copy anih pawhin fiahfai tha tak ani tur ani. Periodic Patta thendarh dil tur chu a valid tur a ni a, a lo thi tawh anih chuan renew dil hmasak tur a ni.

13. Periodic Patta then dilna thehluh fel anih hnuah engtia ngaihven tur nge?

P.Patta then dilna thehluh fel anih hnuah a tehtu tur Survey Firm kutah pek thin a ni a. Hemi chungchang hi a diltu hnenah whatsapp hmangin hriattir a niin survey fee 50% pek zat tur pawh hriattir nghal thin a ni, an file kal zelna pawh whatsapp hmangin hriattir thin ani a, heihi a diltute tan office dawr buai ngai lova an file/an dilna awmna hriattheih nan a tih ani. A diltu ten whatsapp hi lo ngaihchan reng tur a ni.

14. Periodic Patta then tur chu teh fel anih hnuah engtia hmalak zel tur nge?

Periodic Patta chu then tura teh fel anih hnuah thil fello a awm lova, NOC te lak kim anih chuan a tehtu-in report a pe anga, a report chu Office lamah enfel (check) anih hnuah harsatna a awmlo anih chuan Directorate kaltlangin Sorkar phalna la turin thawn a ni ang.

15. Periodic Patta then (partition) chu lachhuak turin fee chawi ngai a awm em?

Periodic Patta lachhuak tur hian Sorkar-in rate a siam angin a fee chhut chawp tur a ni a, a area zauh dan a zir leh a ram hlut dan a zirin chawi tur hi a in an loh avangin chawi tur zat hi sawi lawk theih a ni lo.